Nokia 5800 XpressMusic er kominn í sölu

Einn öflugasti tónlistarsíminn frá Nokia

26.2.2009

Nokia 5800 XpressMusic er kominn í sölu hjá Hátækni. Hér er á ferðinni fyrsti fjöldaframleiddi snertisíminn frá Nokia og segja má að eftirvæntingin hafi verið mikil eftir þessum síma. Nokia 5800 XpressMusic er með 3,2 tommu snertiskjá, a-GPS-virkni, WLAN, 3G og HSDPA, Quad-Band virkni, 3,2 megapixla myndavél með Carl Zeiss-linsu, FM-útvarp og með í pakkanum fylgir 8GB microSD-minniskort en Nokia 5800 XpressMusic styður allt að 16GB minniskort.

Nokia 5800 XpressMusic er að keyra á nýrri útgáfu af S60-stýrikerfinu sem nefnist S60 5.0 en helsti munurinn á þessari útgáfu og útgáfu 3.2 er sá að snertivirkninn er til staðar í nýjustu útgáfunni sem og öll gagnvirkni á skjánum er orðin umtalsvert meiri eins og t.d. á biðskjánum.

Hægt er að skoða símann í virkni í verslun okkar að Ármúla 26.