Tveir nýir E-símar frá Nokia

Mobile World Congress í fullum gangi

17.2.2009

Mobile World Congress er haldið nú í Barcelona og segja má að allir framleiðendur á farsímum hafi komið með stór og sterk útspil í baráttu sinni fyrir aukinni markaðshlutdeild á farsímum. Nokia notaði þennan vettvang til þess að kynna nokkur ný símtæki.

Það sem ber hæst frá Nokia eru tvær viðbætur í E-línuna; Nokia E75 og Nokia E55. Nokia E75 er fyrsti síminn frá Nokia með útdraganlegu QWERTY-lyklaborði á hliðinni og segja má að þetta sé ein af þeim fáu símahönnunum sem Nokia hefur fram að þessu ekki boðið upp á. Að auki er Nokia E75 með WLAN, a-GPS-virkni, microSD-minniskortarauf sem styður allt að 16GB minniskort, 2,4 tommu skjá, 3G og HSDPA og mörgu fleiru.

Nokia E55 er líka ný hönnun sem Nokia hefur ekki boðið upp en hann er með það sem kallast half-QWERTY-lyklaborði, þ.e. tveir bókstafir eru á hverjum takka. Nokia E55 er líkt og Nokia E75 með 2,4 tommu skjá, 3G og HSDPA, a-GPS, WLAN og mörgu fleiru.

Báðir þessir símar eru með 3,5mm heyrnatólatengi og FM-útvarpi.

Nokia E75 og Nokia E55 eru væntanlegir í sölu á 2. ársfjórðungi 2009.