Nokia með nýja síma

Þrjár öflugar viðbætur

3.2.2009

Nokia hefur bætt við þremur öflugum símtækjum í miðlínuna hjá sér og ættu því allir að finna eitthvað við sitt hæfi í þessum nýjungum.

Fyrst ber að nefna Nokia 6700 Classic sem gleður augað og örvar tækniskilvitin því að þetta er án efa einn öflugasti sími sem Nokia hefur sent frá sér. Nokia 6700 Classic er með 5 megapixla myndavél, WLAN-tengingu, Quad-Band virkni, 3G og HSDPA, A-GPS og er hannaður hjá Nokia í Kaupmannahöfn. Að auki er Nokia 6700 Classic smíðaður úr ryðfríu stáli líkt og var notað í Nokia 8800.

Næst ber að nefna Nokia 6303 Classic sem tekur við af Nokia 6300. Hér er á ferðinni þægilegur, góður en jafntfram traustur sími með 3,2 megapixla myndavél, minniskortarauf sem styður allt að 4GB microSD-minniskort og FM-útvarp og tónlistarspilara.

Síðast en ekki síst er það Nokia 2700 Classic sem er stílhreinn, einfaldur og þægilegur sími með góðri rafhlöðuendingu, 2 megapixla myndavél, Quad-Band virkni og Bluetooth.

Allir þessir símar eru væntanlegir á 2. ársfjórðungi 2009 frá Nokia.