Hátækni opnar nýtt sýningarrými

Nýtt sýningarsvæði fyrir hljóð- og myndvörur

Hátækni hefur opnað formlega Hljómskálann, nýtt og glæsilegt mynd- og hljóðrými, í verslun okkar að Ármúla 26. Í Hljómskálanum er hægt að skoða og prófa það allra nýjasta og flottasta frá Palladine, Hitachi, Yamaha og KEF í sérstöku rými þannig að sönn upplifun þessara framúrskarandi tækja skilar sér fullkomlega til þeirra sem horfa og hlusta.

Hljómskálinn samanstendur af þremur mismunandi herbergjum, fyrst er aðalrýmið þar sem hægt er að skoða stærstu og fullkomnustu sjónvarpstækin frá Hitachi og Palladine, auk þess sem að sérlausnir í hljóðúrlausnum eru að auki til sýnis. Síðan eru tvö önnur rými, annarsvegar stereo-herbergi sem er bara hugsað fyrir þá sem eru að leita eftir því besta og fullkomnasta í hljóðlausnum og síðan er svokallað surround-herbergi þar sem hægt er að skoða það besta sem KEF og Yamaha hafa upp á að bjóða í alvöru bíó-hljóði.

Sjón er sögu ríkari og eru gestir og gangandi hvattir til þess að kíkja við í verslun okkar að Ármúla 26 til þess að verða vitni að því besta sem völ er á í hljóð- og myndlausnum hér á landi.