Nokia E71 og Nokia E66 formlega kynntir

2 nýir E-símar á leiðinni frá Nokia

Nokia E71 og Nokia E66 eru nýjustu viðbæturnar við hina geysivinsælu E-línu frá Nokia. Hér eru á ferðinni einstök tæki sem eru hönnuð sérstaklega fyrir viðskiptalífið og þá sérstaklega með mikla tölvupóstnotkun í huga. Nokia E71 er þynnsti QWERTY-síminn frá Nokia til þessa, einungis 10mm á þykkt. Að auki er hann með 3,2 megapixla myndavél, Quad-Band virkni, 3G og HSDPA og GPS-virkni. Skjárinn er tæplega 2,4 tommur og rafhlaðan endist í um 20 daga í bið og 10 klst í tali.

Nokia E66 er nánast sami sími og Nokia E71 en segja má að Nokia E66 sé arftaki Nokia E65 hvað varðar form og útlit. Nokia E66 er aðeins þynnri en Nokia E65 og er með sömu eiginleika og Nokia E71.

Nokia E71 og Nokia E66 er báðir með nýrri tækni sem gerir notendum kleift að skipta með einföldum hætti um snið í símanum þannig að t.d. vinnupósturinn verður óvirkur og t.d heimapósturinn hjá manni verður virkur í staðinn, án þess að koma niður á virkni símtækisins. Að auki eru Nokia E71 og Nokia E66 fyrstu símarnir frá Nokia sem eru með innbyggðri dulkóðun, öll gögn á minniskortinu og í minni símans eru dulkóðuð þannig að óviðkomandi getur ekki með neinum hætti komist inn á þau gögn sem eru vistuð á símann.

Nokia E71 og Nokia E66 er væntanlegir í sölu í júlí 2008.