Ewan McGregor í samstarfi með Nokia

Mun ferðast til Suður-Afríku á mótorhjóli

Nokia 6110 Navigator mun leiða hinn fræga skoska leikara, Ewan McGregor, á leiðarenda, er hann ásamt félaga sínum mun leggja af stað í mikla ævintýraferð frá Skotlandi til Suður-Afríku. Ewan McGregor, sem hefur gert garðinn frægan í kvikmyndum á borð við Star Wars, Trainspotting og The Island, mun ferðast ásamt félaga sínum, Charlie Boorman, frá Skotlandi til Höfðaborgar í Suður-Afríku og nefnist ferðin 'Long way under'. Þeir félagar höfðu áður farið í ferðina 'Long Way Round' þar sem þeir ferðuðust hringinn í kringum hnöttinn, frá London til New York, á 115 dögum.

Þeir félagar munu stóla á Nokia 6110 Navigator, sem er með innbyggt GPS-tæki, til þess að leiða sig áfram á ferðinni og tryggja það að þeir skili sér á leiðarenda.

Nokia 6110 Navigator er öflugur S60-farsími með GPS-virkni og Quad-Band virkni að auki þannig að síminn á að komast í samband allsstaðar í heiminum.