Þrír nýjir símar á leiðinni frá Nokia

Þrír öflugir en jafnframt ólíkir símar

Símarnir sem hér um ræðir eru þrír en þeir heita Nokia 6267, Nokia 3500 Classic og Nokia 6121 Classic.

Nokia 6267 er glæsilegur og öflugur samlokusími með sérstökum tónlistartökkum utan á þannig að hægt er að stjórna tónlistinni án þess að opna þurfi símann. Að auki er FM-útvarp í þessum síma, 2 megapixla myndavél, Quad-Band virkni, Bluetooth og microSD-minniskortarauf sem styður allt að 4GB minniskort.

Nokia 3500 Classic er laglegur og einfaldur sími sem er glæsilegur og fer vel í vasa, enda er hann einungis 13,1mm þykkur. Að auki er 2 megapixla myndavél, símaskrá sem getur geymt allt að 2000 tengiliði og minUSB-tengi.

Nokia 6121 Classic er mjög svipaður og Nokia 6120 sem var kynntur fyrir stuttu síðan. Hér er á ferðinni öflugur S60-sími með 3G-stuðning og einnig er stuðningur við HSDPA-gagnastaðalinn innan 3G-kerfisins. Að auki er 2 megapixla myndavél, microSD-minniskortarauf, Quad-Band virkni og möguleiki á Bluetooth-tengingu.

Allir þessir símar verða fáanlegir í sölu og dreifingu á þriðja ársfjórðungi 2007.