Nokia með mestu markaðshlutdeildina á heimsvísu

Aukning á sölu farsíma á 3Q 2006 styrkir stöðu Nokia

Þeir farsímaframleiðendur sem skipa þrjú efstu sætin í heiminum eru Nokia, Motorola og Samsung.

Á 3. ársfjórðungi seldu Samsung 30,7 milljónir farsíma, sem þýðir 12% heimsmarkaðshlutdeild en það er lækkun frá fyrri tíma fyrir ári þar sem þeir voru með 12,6%.

Öðru máli gegnir um Nokia og Motorola sem virðast vera á blússandi siglingu um þessar mundir. Motorola seldi 53,7 milljónir farsíma á 3. ársfjórðungi sem skilar þeim 21,1% heimsmarkaðshlutdeild.

Nokia að sama skapi skýtur öllum öðrum ref fyrir rass og seldi hvorki fleiri né færri en 88,5 milljónir farsíma og slógu þar með sitt eigið met fyrir sölu á einum ársfjórðungi um 4,8 milljónir símtækja. Skilar þetta því Nokia 34,7% markaðshlutdeild. Stefnir Nokia að 40% heimsmarkaðshlutdeild en innrás Nokia á bandaríska farsímamarkaðinn er lykilinn að því að ná því marki.

Heimild: mobil.nu