Nokia hefur tekið yfir IntelliSync

Styrkir viðskiptalausnir Nokia

Nokia hefur, frá og með 10. febrúar, keypt upp öll hlutabréf í IntelliSync. Kaupin tryggja enn frekar stöðu Nokia á viðskiptatækjamarkaðnum og mun þetta tryggja að notendur Nokia-tækja muni ná að samstilla tækin sín við fleiri hugbúnaðarlausnir. Nokia hefur skuldbundið sig til þess að tryggja það að IntelliSync muni áfram vera í boði fyrir aðrar lausnir, s.s. Palm-lófatölvur og Windows Smartphone.

„Þessi kaup setja Nokia í stöðu sem hefur ekki þekkst áður á þessu markaði, hvað varðar fyrirtækjalausnir á farsímamarkaðnum“, segir Mary McDowell, framkvæmdastjóri Nokia Enterprise Solutions. „Með því að sameina núverandi Nokia-lausnir við leiðandi lausnir frá IntelliSync þá erum við með þann möguleika að geta tengt nánast hvaða tæki sem er, sem keyrir hvaða stýrikerfi sem er, við nánast hvaða gagnalausnir eða gagnagrunnslausnir sem eru í boði í dag á markaðnum.“

Til að fræðast frekar um lausnir frá IntelliSync þá er hægt að skoða heimasíðu IntelliSync og fræðast m.a. um það af hverju 38 af 50 stærstu fyrirtækjunum skv. Fortune eru að nota IntelliSync.