Þjónustumiðstöð Hátækni sér um ábyrgðaviðgerðir, umsýslu sem og aðrar viðgerðir á öllum vörum sem Hátækni flytur inn til landsins, dreifir og selur. Innan þjónustumiðstöðvar Hátækni er m.a. háþróað viðgerðarverkstæði þar sem sérþjálfaðir tæknimenn sjá m.a. um viðgerðir á Nokia- og HTC-farsímum.

Frá og með 1. mars 2013 mun verkstæði Hátækni loka verkstæðismóttökunni í Vatnagörðum 20. Markmiðið með þessari breytingu er að auka skilvirkni í vinnu verkstæðisins og þar með bæta þjónustu þess í leiðinni.

Viðskiptavinir með tæki sem þarfnast viðgerðar eiga að leita til þess söluaðila sem tækið var keypt hjá og mun söluaðilinn koma tækinu áfram á verkstæði Hátækni.

Tæki sem búið er að gera við eru síðan send aftur til söluaðila þar sem viðskiptavinir geta nálgast þau aftur.

Hægt er að hafa samband við verkstæði Hátækni með því að senda tölvupóst á thjonusta@hataekni.is eða í síma 522 3010.