http://www.hataekni.is/ IS Nýjustu fréttir frá Tćkniblogginu á hataekni.is http://www.hataekni.is/is/hataekni_i_25_ar/taeknibloggid/id/2154 2012-05-17 08:36:47 Google mun með haustinu setja sína eigin Nexus-línu í sölu og munu tækin verða seld beint frá Google til neytenda. Þetta staðfestir heimildamaður Wall Street Journal en Google mun vera að semja við allt að 5 framleiðendur sem munu fá snemmbúin aðgang að væntanlegum Android-uppfærslum sem munu keyra á þessum tækjum. Þetta væri ekki í fyrsta sinn sem Google tæki þann dans á neytendamarkaðnum en fyrsti Nexus-síminn sem HTC framleiddi fyrir Google var m.a. seldur beint frá Google til neytenda. Sama var þó ekki upp á teningnum með næstu tæki enda lenti Google í talsverðum vandræðum varðandi þjónustumál gagnvart einstaklingum þar sem ekki er beint um neinar Google-búðir á markaðnum sem er hægt að fara með vöruna sína til nánari athugunar. Hinsvegar ætlar Google greinilega að læra af reynslunni og skella sér inn á þennan markað aftur og nú af fullum krafti. Með þessu telja menn að Google sé þá að reyna að hafa meiri áhrif á hvernig Android-stýrikerfið þróast í átt til neytenda og er með þessu að gefa símafyrirtækjunum vestanhafs gula spjaldið hvað það varðar. Google mun því taka Nexus-línuna sína í sölu undir eigin formerkjum og selja beint af Netinu. Þetta mun ekki verða einvörðungu bundið við síma því líklega mun hin draumkennda Google-spjaldtölva einnig detta inn í þennan pakka en líklegt þykir að þessi mál muni skýrast á Google I/O-ráðstefnunni sem haldin verður í næsta mánuði. http://www.hataekni.is/is/hataekni_i_25_ar/taeknibloggid/id/2153 2012-05-16 15:24:37 HTC er í vandræðum í Bandaríkjunum eftir að tollayfirvöld þar í landi stöðvuðu innflutning á HTC One og Evo 4G LTE-símana. Málið snýst um bann sem Apple fékk sett á HTC í desember þar sem samkeppnisyfirvöld í Bandaríkjunum féllust á kvörtun Apple þess efnis að Android-símar frá HTC væru að brjóta á höfundarétti Apple. Málinu var síðan frestað til þess að gefa HTC frest til þess að vinna að málinu en bannið fór hinsvegar síðan í gang 19. apríl og eru tollayfirvöld að skoða hvort að þessi símtæki séu ekki að brjóta í bága við umkvörtun Apple. Þangað til málið leysist þá munu þessi símtæki ekki fá að fara inn til Bandaríkjanna. Líklegt er þó að málið skýrist á næstunni enda mun brot HTC vera minniháttar. http://www.hataekni.is/is/hataekni_i_25_ar/taeknibloggid/id/2152 2012-05-16 13:26:34 Samkvæmt áreiðanlegum heimildum mun iPhone 5 verða með 4 tommu skjá en ekki 3,5 tommu skjá eins verið hefur fram að þessu. Þetta hefur Wall Street Journal eftir áreiðanlegum heimildum frá einum af þeim fjölmörgu aðilum í Asíu sem framleiða íhluti fyrir Apple og iPhone. Telja margir að þetta sé nokkuð öruggt þar sem Apple hefur ekki hreyft við stærðinni á skjánum á iPhone-símanum síðan fyrsti iPhone-inn kom út árið 2007 og er þetta einnig talið vera hluti af þróunin á símamarkaðnum í dag. Fram að þessu hafa verið misvísandi fregnir af því hvað Apple mun gera en fregnir af því að Apple ætli að halda sig við 3,5 tommu skjáinn hafa verið nokkuð stöðugar þó svo að fregnir af annarskonar skjástærð hafi líka farið í loftið. http://www.hataekni.is/is/hataekni_i_25_ar/taeknibloggid/id/2151 2012-05-16 08:45:58 HTC hefur formlega svipt hulunni af HTC Desire C. Talsvert magn af upplýsingum hafði lekið út á Netið um þennan ágæta síma og er í raun lítið annað við það að bæta þar sem þær fregnir virðast hafa allar verið réttar. HTC hefur staðfest að þetta verður ódýr Android 4.0-sími og að hann verði fáanlegur í rauðum, hvítum og svörtum lit. Að auki bætist það við að HTC Desire C verður með Beats Audio-stuðningi. HTC stefnir að því að setja HTC Desire C í sölu í upphafi næsta mánaðar. http://www.hataekni.is/is/hataekni_i_25_ar/taeknibloggid/id/2150 2012-05-15 15:26:27 Fort Lee í New Jersey-fylki í Bandaríkjunum hefur bannað SMS-sendingar á meðan fólk er á gangi á gangstéttum bæjarins. Ástæðan mun vera fyrst og fremst sú að allaveganna má rekja þrjú banaslys á síðasta ári og 71 önnur slys sem tengjast skeytasendingum á gangi þá var það mat lögreglustjórans í bænum, Thomas Ripoli, að best væri að banna slíkan verknað í bænum. Hann fékk það í gegn og hafa bæjaryfirvöld bannað SMS-sendingar á gangi í bænum að viðlagðri 85 dollara sekt. Það sem af er þessu ári hafa 117 aðilar verið sektaðar. Að sögn Ripoli þá er greinilegt að textasendingar eru að draga athygli fólks frá því sem er að gerast í umhverfinu og telur hann þetta bann vera til bóta. Ekki fylgir sögunni hvort þetta hafi í raun orðið til þess að slysum hafa fækkað en Fort Lee er ekki eini bærinn sem er að skoða þessi mál því Carl Kruger, þingmaður á Bandaríkjaþingi fyrir New York-fylki hefur verið að skoða svipað bann fyrir New York-borg. Hugmyndir hans ná lengra því hans tillaga gengur út á að banna fólki að tala í síma á gangi sem og að hlusta á MP3-spilara á meðan það er að ganga þar í borg. Hinsvegar hefur erindi Krugers ekki fengið neinn sérstakan hljómgrunn þar í borg sem í fylkinu almennt. Svipar þetta til svipaðs banns sem var sett í Chapel Hill í Norður Karólínu-fylki fyrir stuttu þar sem öll símanotkun undir stýri var bönnuð. http://www.hataekni.is/is/hataekni_i_25_ar/taeknibloggid/id/2149 2012-05-15 13:33:41 Forbes-tímaritið í Bandaríkjunum hefur valið Steve Ballmer, forstjóra Microsoft, sem versta forstjóra stórfyrirtækis í Bandaríkjunum. Nokkrir forstjórar sitja á þessum lista hjá stórfyrirtækjum á borð við Cisco, General Electric, Walmart og fleirum en Forbes telur að Ballmer eigi það fyllilega skilið að sitja á toppnum á þessum vafasama lista. Ástæðan fyrir því að Forbes setur hann í efsta sætið yfir verstu forstjórana í Bandaríkjunum er vegna þess að á meðan tækniheimurinn hefur verið að þróast á ljóshraða undanfarin ár þá hefur Microsoft verið of seint eða á engan hátt haldið í við þær nýjungar sem eru að eiga sér stað á markaðnum. Er það mat Forbes að innkoma Microsoft á snjallsíma- og spjaldtölvumarkaðinn sé það sein að það hafi orðið til þess að Microsoft hefur ekki verið þátttakandi að neinu ráði á þessum markaði sem hefur orðið til þess að koma niður á tekjum og hagnaði fyrirtækisins, sem hefur að sama skapi komið niður á samstarfsaðilum Microsoft eins og Dell, HP og Nokia. Þegar Ballmer tók við Microsoft af Bill Gates fyrir rúmum áratug síðan stóðu hlutabréf fyrirtækisins í 60 dollurum á hlut. Á innan við 2 árum fór hlutabréfaverðið niður fyrir 30 dollara markið en hefur upp á síðkastið náð aftur upp fyrir 30 dollara. Skoðun Forbes er sú að stjórn Microsoft væri betur borgið ef Ballmer væri ekki við stjórnvölinn. Það er því hreinlega spurning hvort að Ballmer eigi því ekki allt undir því komið að Windows 8 og Windows Phone 8 slái í gegn en fram að þessu hefur það verið mat tæknigeirans að svo muni verða. http://www.hataekni.is/is/hataekni_i_25_ar/taeknibloggid/id/2148 2012-05-15 11:17:21 Þrálátur orðrómur er á kreiki á Netinu þessa dagana að Apple sé að skoða þann möguleika að koma Retina-skjátækninni sinni í MacBook-línuna hjá sér. Fyrsta afurðin sem mun nýta Retina-skjátæknina í MacBook-línunni frá Apple mun vera 15 tommu MacBook Pro-fartölvan og mun sú tölva að auki verða mun þynnri en fyrri 15 tommu frá Apple í þessari línu. Þó mun hún ekki verða jafn þunn og MacBook Air-línan. Að auki mun verða stuðningur við USB 3.0-staðalinn að auki munu ekki verða hefðbundnir harðir diskar í þessari línu líkt og þegar MacBook Air og Mac mini komu frá Apple þannig að SSD-diskar eru það sem koma skal frá Apple, þ.e. harðir diskar með engum hreyfanlegum hlutum. Framleiðsla á þessari línu mun hafa hafist í apríl á þessu ári en óvíst er hvenær línan kemur í sölu. Þó er líklegt að Apple muni nota WWDC-ráðstefnuna sem það heldur núna í júní til þess að kynna þessa línu formlega. http://www.hataekni.is/is/hataekni_i_25_ar/taeknibloggid/id/2147 2012-05-15 09:01:38 Nokia hefur kynnt tvo einfalda en jafnframt gríðarlega öfluga síma sem eiga eflaust eftir að vekja mikla athygli víða um heim. Um er að ræða tvo síma sem eru hugsaðir fyrst og fremst fyrir markaði á borð við Afríku og Asíu en líklegt þykir að þessir símar eigi t.d. eftir að verða gríðarlega vinsælir í Indlandi og víða um Mið-Asíu. Nokia 110 og Nokia 112 eru nettir og einfaldir símar sem bjóða upp á tengingu við Facebook, Twitter og fleiri samfélagsmiðla auk þess að nýta nýja vafratækni frá Nokia í gegnum Nokia Browser þar sem heimasíðum er þjappað um allt að 90% í gegnum sérstaka þjónustu hjá Nokia áður en síðan fer niður í símann. Báðir símarnir eru með skýran og góðan 1,8 tommu skjá, VGA-myndavél og að auki stuðning við allt að 32GB minniskort. Nokia 112 er síðan með að auki eBuddy-spjallforritið þannig að hægt er að tengja sig við helstu spjallveitur heims eins og Windows Live, Facebook, Yahoo Messenger og margt fleira. Það sem vekur einnig athygli við þessa síma er leikjapakki frá Electronic Games sem fylgir með þessum símum. Allt að 40 leikir eru aðgengilegir til niðurhals 60 dögum eftir að síminn hefur verið virkjaður og við bætast aðgangur við Nokia Store þar sem þúsundir smáforrita eru í boði. Nokia 110 og Nokia 112 eru báðir með Dual-SIM virkni en hægt verður líka að fá þessa síma með einu SIM-korti og þá heita þeir Nokia 111 og Nokia 113 en sá síðastnefndi verður aðeins í boði fyrir Evrópu og Mið-Asíu. Búast má við því að þessir símar verði allir komnir í sölu um miðjan júní. http://www.hataekni.is/is/hataekni_i_25_ar/taeknibloggid/id/2146 2012-05-14 15:29:44 Gríðarlegt magn af myndum og upplýsingum um Nokia 311 hafa lekið út á Netið á undanförum dögum og vikum. Allar líkur eru á þessi sími keyri á S40-stýrikerfinu og mun þetta vera fyrsti síminn í þeirri línu sem er alfarið snertiskjár. Samkvæmt upplýsingunum sem fram eru komnar þá er möguleiki að viðmótið í þessum síma sé í líkingu við það sem sést hefur sést í Nokia N9. Lítið er vitað um hvað þessi sími býður upp á en líklegt er talið að hann sé með 3G-virkni og 3,2 megapixla myndavél. Leiðarvísirinn með þessum síma lak einnig út á Netið og eru nokkrar myndir þaðan hér fyrir neðan. Sumir hafa þó lagt líkur að því að hér sé jafnvel fyrsti Meltemi-síminn frá Nokia og væri það þá í raun talsverð bylting og breyting frá því sem verið hefur. Samkvæmt því sem hefur fram komið nú en er óstaðfest er að Meltemi-stýrikerfið sé einskonar Linux-stýrikerfi sem muni bjóða upp á Harmattan-stýrikerfisviðmótið sem var m.a. í Nokia N9. http://www.hataekni.is/is/hataekni_i_25_ar/taeknibloggid/id/2145 2012-05-14 13:28:28 Upplýsingar um væntanlegan HTC-síma hafa lekið út frá Vodafone í Portúgal. Orðrómur um HTC Desire C hefur verið á kreiki að undanförnu en nú virðist sem að það sé nokkurn veginn búið að staðfesta tilvist hans. Samkvæmt þeim upplýsingum sem fram eru komnar þá virðist vera sem að hér sé arftaki HTC Wildfire S sem er kominn fram. Mun þessi sími vera með 600 MHz-örgjörva, 5 megapixla myndavél, GPS-virkni, 3,5 tommu skjá, innbyggt 4GB minni, WLAN og Bluetooth. Nokkuð öruggt er að þessi sími muni vera með Android 4.0 (ICS) sem er mikið fagnaðarefni þar sem líklegt þykir að þessi sími verði í ódýrari kantinum.